धरानलाई आफ्नो कर्मथलो बनाएर शैक्षिक क्षेत्रको विकासका निम्ति योगदान दिदै आएका विशाल राई ‘रसिक’सांगीतिक क्षेत्रमा समेत लागी परेका छन् ।
उनले एकल एल्बम निकाल्ने तयारी स्वरुप तीनवटा गीतको म्युजिक भिडियो बजारमा ल्याइसकेका छन् भने अन्य गीतको भिडियो सुट भइरहेको बताएका छन् । ७ वर्ष अघिदेखि नै म्युजिक भिडियो निर्देशन गर्दै आएका राईले विभिन्न १३ वटा गीतको म्युजिक भिडियो निर्देशन गरिसकेका छन् । उनको आउन लागेको एल्बमको गीत ‘तिमी वर म पर...’, ‘सरी डियर...’ र ‘ओइ काली...’ गीतको म्युजिक भिडियो सङ्गस् नेपालको युट्युब च्यानलबाट सार्वजनिक भइसकेको छ । ओइ काली बोलको गीत अहिले युट्युबमा चर्चित छ । अहिलेको चर्चित नायिका वर्षा शिवाकोटीले मोडलिङ गरेको ओइ काली गीतमा हेरी योञ्जनले वर्षालाई साथ दिएका छन् । उनको अन्य म्युजिक भिडियोमा भने विकल राई, निशा केसी, प्रेशिका निरौला, सक्षम श्रेष्ठ लागायतले अभिनय गरेका छन् । उनको एकल एल्बममा संगीत भने पहिलो नेपाल आइडल विक्रम राईको रहनेछ भने शब्द÷स्वर विशाल राईको एकल रहनेछ साथै म्युजिक भिडियोको निर्देशन समेत राई आफैले गर्ने जनाएका छन् ।
फुर्सदको समयलाई संगीत सृजनामा समर्पित गरेको बताउने राई सञ्चारकर्मी तथा आरजे समेत हुन् ।
