धरान/‘कार्टुन्ज क्रु’ लाई फिचरिङ गरिएको ‘जता जता पिरतीको बाटो’ मंगलबार युट्युमार्फत दर्शकमाझ आएको छ । यो गीत पल शाह र धुर्मुस सुन्तली अभिनित ‘तिमीलाई देखेपछि आई लभ यु भन्न मन लाग्यो’ सिक्वेलको रुपमा आएको हो । दिनेश थपलियाको शब्द्य तथा संगीतकार बसन्त सापकोटाको संगीतमा बनेको गीत शुभ मिडिया होमको प्रस्तुतीले लञ्च गरेको हो । गीतमा सरोज ओलीले स्वर भरेका छन् । गीत उदयराज पौडेलको एरेञ्जमा तयार भएको हो । जसमा सिनेम्याटोग्राफर संजय लामाले भिडियो खिचेका हुन् । पोखरामा छायांकन गरिएको गीतमा भिडियोमा कार्टुन्ज क्रुको सदस्यहरुको नृत्य देख्न सकिन्छ । कार्टुन्ज क्रु का सरोज अधिकारीले फरक भिडियो बनेको बताए । उनका अनुसार यो भिडियोको लागि २५ दिनजति पूर्वभ्यास गरेका छौं । गीतको नृत्यबाट राम्रै प्रतिक्रिया आउनेमा क्रु विश्वस्त छन् ।