काठमाडौं । काठमाडौंमा आज बिहानै गोली चलेको छ । काठमाडौको म्हेपीमा बिहान ४ बजेतिर गोली चलेको प्रहरीले जनाएको छ ।
प्रहरी प्रवक्ता मनोज न्यौपानेका अनुसार नचिनेका दुई जना मानिसले चलाएको गोली लागेर स्कुटरमा रहेका काठमाडौं रानीवनका कल्याण गुरुङ घाइते भएका छन् ।
खुट्टामा गोली लागेका गुरुङको त्रिवि शिक्षण अस्पताल महाराजगञ्जमा उपचार भइरहेको छ ।
गोली हान्ने व्यक्तिको खोजी भइरहेको र शंकास्पद पाँच जनालाई पक्राउ गरिएको प्रहरीले जनाएको छ ।
यसअघि, काठमाडौंको नयाँ बानेश्वरमै नचिनेको मान्छेले चलाएको गोली लागेर निर्माण व्यवसायी महासंघका अध्यक्ष शरदकुमार गौचनको हत्या भएको थियो ।
