विर्तामोड । झापाको बिर्तामोडमा भएको झडपमा प्रहरीको गोली लागेर एक प्रदशनकारीको मुत्यु भएको छ । मृत्यु हुने अर्जुनधारा–५ का नरेश थापा रहेको प्रहरीले जानकारी दिएको छ । प्रहरीसँगको झण्डपमा परी घाइते भएका दुई जनाको मेची अस्पतालमा उपचार भईरहेको छ । अर्जुनधारा नगरपालिका–११ का ११ वर्षीय लक्ष्मण सिवाकोटीको हत्यारालाई कानूनी कारबाहीको माग गर्दै विर्तामोडमा स्थानीयवासीले प्रदर्शन गरेका थिए । प्रदर्शनको क्रममा प्रहरी र प्रदर्शनकारीबीच झडप भएको थियो । अहिले बिर्तामोड क्षेत्रमा कफ्र्यू लागेको छ ।