काठमाडौं । बुधबार साँझ काठमाडौंको कमलपोखरीमा गोली चलेको छ । प्रहरीका अनुसार कमलादीस्थित हेरिटेज प्लाजामा गोली चलेको हो । गोली चलाएर भाग्ने क्रममा तिन जना भारतीय नागरिक पक्राउ परेको प्रहरीले जनाएको छ । पक्राउ पर्नेहरुमा जसवीर सिंह, अरविन्द सिंह र देवेन्द्र सिंह रहेका छन् । उनीहरूको साथबाट अटोमेटिक पेस्तोल र ५१ राउण्ड गोली बरामद गरेको प्रहरीले जनाएको छ । मंगलबारमात्रै स्थलमार्गबाट भैरहवाको सुनौली नाका हुँदै काठमाडौं छिरेका ती भारतीय नागरिक पेस्तोलसहित काठमाडौं दरबारमार्ग र कमलपोखरीको बीचबाट पक्राउ परेका हुन् । प्रहरी स्रोतका अनुसार उनी ठुलै घटना गराउन काठमाडौं छिरेको हुनसक्ने आशंका गरिएको छ ।
