काठमाडौं/ माघ ४ गतेबाट प्रदर्शनमा आउने फिल्म लालपूर्जाको गीत रिलिज भएको छ।
आइतबार रिलिज मिति तय गर्दै फिल्मको गीत सार्वजनिक गरिएको हो। सार्वजनिक 'मितेरी एन्थम' बोलको गीतमा फिल्मका मुख्य कलाकार सौगात मल्ल, मिरुना मगर, विपीन कार्की र मेनुका प्रधान फिचरिङ छन्। फरक शैलीमा तयार पारिएको यस गीतमा जसोन कुँवरको शब्दरसंगीत रहेको छ। गीतमा कुँवरसँगै अन्जानबाबु सुवेदी, सुम्निमा सिंह, संगीता चौलागाईं, पुष्प पलान्चोकेले स्वर दिएका छन्।
'नेगेटिभ बुद्धुको व्यानरमा निर्माण भएको फिल्मलाई निगम श्रेष्ठको निर्देशन रहेको छ। फिल्ममा सौगात, मिरुना, विपीन र मेनुकाका अलावा कामेश्वर चौरसिया, हरिहर शर्मा, कुमार नगरकोटीको पनि अभिनय रहेको छ। फिल्ममा विक्रमसिंह थारू र उमेश श्रेष्ठको लगानी रहेको छ। नरेन्द्र मैनालीले खिचेको फिल्मलाई लोकेश बज्राचार्यले सम्पादन गरेका छन्।
https://youtu.be/uhcyyZm-eu4
