मैथिली भाषामा ‘राज्जा रानी’ ट्रेलर (भिडियो)

पुष २१ गतेबाट प्रदर्शनमा आउन लागेको फिल्म ‘राज्जा रानी’को मैथिली ट्रेलर सार्वजनिक भएको छ । यसअघि सार्वजनिक भएको फिल्मको नेपाली भाषाको ट्रेलरलाई मैथिलीमा डब गरिएको हो । यो फिल्म एकै मितिमा नेपाली र मैथिली भाषामा रिलिज हुँदैछ । ट्रेलरमा बाल विवाह र अभिभावक बीचमा दाइजोमा कुरा नमिल्दा उत्पन्न भएको समस्यालाई देखाइएको छ ।

फिल्ममा नायक नाजीर हुसेन 'राज्जा' र नायिका केकी अधिकारी 'रानी'को भूमिकामा प्रस्तुत भएका छन् । आर्यन फिल्म प्रोडक्सनको ब्यानरमा निर्मित तथा याम थापा निर्देशित यो फिल्मको सम्पूर्ण छायांकन नेपालगञ्जको पठारमा गरिएको हो । प्रेमकथामा आधारित ‘राज्जा रानी’लाई रमेश एमके पौडेलले निर्माण गरेका हुन् ।

फिल्ममा केकी र नाजीरका अलावा कामेश्वर चौरासिया, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य, अनुज थापा लगायतका कलाकारहरुको पनि अभिनय छ ।

फिल्मले पश्चिम तराईस्थित सानो जनजाति समुदायको संवेदना र प्रेमकथा चित्रण गर्छ । फिल्ममा ताराप्रकाश लिम्बु र दीपक शर्माको संगीत, पुरुषोत्तम प्रधानको छायांकन, कविराज गहतराजको नृत्य निर्देशन रहेको छ ।