इटहरी । नीजी विद्यालयहरुको संगठन प्याव्सन को २८ औं स्थापना दिवस प्याव्सन पूर्व केन्द्रीय अध्यक्ष स्वर्गीय डा. बाबुराम पोखरेलको सम्झनामा सुनसरीका विद्यालय तथा वस्तीमा जाडोका कपडा वितरण गरिएको छ ।
प्याव्सन सुनसरी अध्यक्ष सुमित थापाको नेतृत्वमा गएको टोलीले सोमबार सुनसरीका विभिन्न विद्यालयका विपन्न विद्यार्थीलाई जाडोका कपडा प्रदान गरेको हो । इनरुवा ४ रेडक्रस प्राविमा ३ सय थान, रामधुनी २ शिवनगर टोलमा एक सय ५० थान, भोक्राहा ४ जामिया स्लामिया मदरशामा ५० थान र इटहरी ३ सिंहदेवी प्राविमा ५० थान स्वीटर वितरण गरिएको प्याव्सन सदस्य गणेश भण्डारीले जानकारी दिए । सो अवसरमा अध्यक्ष सुमित थापासहित उपाध्यक्ष ज्ञानेन्द्र दाहाल,सचिव धनबहादुर लिम्बूलगायत प्यावसन सुनसरीका पदाधिकारीहरुको सहभागिता रहेको थियो ।
