विराटनगर/पूर्वाञ्चल स्तरीय टेस्टी–टेस्टी हाजिरजबाफ प्रतियोगिताको उपाधी विराटनगरमा रहेको मोर्डन ऐरा उच्च माविले जितेको छ ।
[caption id="attachment_69804" align="aligncenter" width="1920"]
प्रथम हुने मोर्डन एराका विद्यार्थीहरु ट्रफिका साथमा[/caption]
विराटनगर जेसीजको आयोजनामा विराटनगरमा शनिबार सम्पन्न भएको प्रतियोगिताको उपाधी मोर्डन एराले जितेको हो । जितसँगै मोर्डन एराले १५ हजार नगद र १ लाख मुल्य बराबरको सफ्ट एयर प्राप्त गरेको छ । प्रतियोगिताको द्धितीय विराटनगरमा रहेको एभरेष्ट उच्च मावि र तृतीय विराटनगरमै रहेको मार्टस उच्च मावि भएको थियो ।
प्रतियोगितामा झापा, मोरङ र सुनसरीको निजी स्कूलमा अध्ययरत विद्यार्थीहरुले भाग लिएका थिए । विराटनगर जेसीजले विद्यार्थीहरुमा रहेको प्रतिभा उजार गर्ने उद्देश्यले प्रत्येक वर्ष यस्तो प्रतियोगिता गर्दै आएको बताइएको छ ।
विजयी हुने विद्यार्थीहरुलाई कार्यक्रमको प्रमुख अतिथि विराटनगर महानगरपालिको प्रमुख भिम पराजुलीले पुरस्कार वितरण गरेका थिए ।
