शनिश्चरे/लाइन्स क्लव अफ पथरी मोरङले पथरीशनिश्चरे ३ को जनता माविका लागि कक्षा ११ र १२ का पाठ्यपुस्तक वितरण गरेको छ ।
क्लब अध्यक्ष तुलसीराम ढकालको अगुवाईमा विद्यालय व्यवस्थापन समिति अध्यक्ष एवम् ३ नम्बर वडाध्यक्ष डम्वर चेम्जोङ, प्रधानाध्यापक पदम सापकोटालाई पुस्तक हस्तान्तरण गरिएको छ । क्लबका जोइन्ट सेक्रेटरी सरोज राइ र हरि रसाइलीले २५ हजार रुपैयाँ सहयोग उपलब्ध गराएपछि सो रकमबाट विहीवार अंग्रेजी, अर्थशास्त्र र लेखाका पुस्तक प्रदान गरिएको हो ।
सरोज र हरिले आफ्नो जन्मोत्सव मनाउने खर्चलाई पाठ्यपुस्तकका लागि सहयोगमा रुपान्तरण गरेको क्लवका कोषाध्यक्ष रोशन वुढाथोकीले जनाए ।
