विराटनगर/ विराटनगर – ८ मा रहेको कवाडीको गोदाममा लागेको आगो २ घण्टापछि नियन्त्रणमा आएको छ ।
विद्युत सट भइ मंगलबार विहान ७ बजे लागेको आगो ९ बजे पूर्ण रुपमा नियन्त्रणमा आएको मोरङ प्रहरीले जानकारी दिएको छ ।
किशोर रोनियारले सञ्चालन गरेका कवाडीको गोदाममा लागेको आगो नियन्त्रण गर्न विराटनगर महानगरपालिको तीन वटा बरुणयन्त्र, नेपाली सेना, प्रहरी, सशस्त्र प्रहरी र स्थानियबासीको सहयोगमा नियन्त्रणमा आएको थियो ।
उक्त गोदाम भित्र रहेको कवाडीको सामान जलेर पूर्ण रुपमा नष्ट भएको प्रहरीले जनाएको छ । जिल्ला प्रहरी कार्यलय मोरङका अनुसार आगलागीबाट के कतिको नोक्सान भयो भन्ने बारेमा जानकारी प्राप्त नभएको जनाए पनि संचालक रोनियारका अनुसार करिब १० लाख बराबरको क्षति भएको दाबी गरे ।
