पथरी/ मोरङको पथरीशनिचरे नपा २ स्थीत बुद्ध युथ क्लब आयोजनामा भएको तेस्रो नगर स्तरीय फुटबल कपको उपाधी वडा नम्बर १ ले जितेको छ ।
सोमबार भएको फाइनल खेलमा वडा नम्बर २ लाई वडा नम्बर १ ले १–२ गोलको अन्तरले विजयी हुदै उपाधी जितेको हो । खेलको ८ औं मिनेटमा वडा नं. २ का सन्तोष न्यौपानेले १ गोल गरेका थिए । मध्यन्तर पछि वडा नम्बर १ का दिपक राईले खेलको ६२ औं मिनेट १ गोल लगाउँदै खेललाई बराबरी बनाएका थिए । त्यसैगरी वडा नम्बर १ कै रविन राईले खेलको ६९ औँ मिनेटमा १ गोल थप्दै खेललाई निर्धारित समयसम्मा १–२ को अन्तर बनाएका थिए । .
फाइनल खेलको म्यान अफ द म्याच वडा नम्बर १ का क्याप्टेन मिन धिमालले पाएका छन् । त्यसैगरी वेष्ट गोलकिपर वडा नं. १ कै अर्जुन बस्नेत, उदयमान खेलाडी निमन लिम्बू, सर्वोकृष्ट खेलाडी साइमन लिम्बू, प्रशिक्षक किरण धिमालले पाएका थिए । यसैगरी वेष्ट डिफेन्डर सुवास तामाङ, मिड फिल्डर कबी राई र वेष्ट फवार्ड सन्तोष न्यौपानेले पाएका थिए ।
खेल अवधिभर ११ गोल गर्ने वडा नम्बर १ का खेलाडी सुमन राई हाइ स्कोररको पुरस्कार पाएका छन् । नगर कप विजेता वडा नं. १ ले नगद ४० हजार, ट्रफि र प्रमाणपत्र प्राप्त गरेका छन । उविजेता वडा नं. २ ले २० हजार ट्रफी र प्रमाणपत्र पाएका छन् ।
