प्रदिप खड्का र प्रियंका कार्की जस्ता स्टारहरु जोडिएकै कारण चर्चामा रहेको चलचित्र ‘लिलिबिली’ को बाँकी सुटिङ यतिबेला धमाधम भईरहेको छ । मिलन चाम्सले निर्देशन गरेको यस चलचित्रमा समाबेश दुई गीतहरु रिलिज भईसकेका छन् । तर ती दुबै गीतमा प्रदिप र डेब्यु नायिका जसिता गुरुङमात्र रहेका छन् ।
निर्माण पक्षले प्रदिप र प्रियंकासंग सम्बन्धित तस्बिरमात्र सार्वजनिक गरिरहेको छ । त्यसैले पनि प्रदिप र प्रियंकाको जोडी पर्दामा कस्तो होला भन्ने उत्सुकता दशर्कहरुमा झनै बढेको छ । कुनै समय लिलिबिलीमा प्रियंका र प्रदिपको जोडी नरहेको खबरले पनि मिडिया नतताएको होईन तर ‘लिलिबिली’ मा प्रदिप र प्रियंकाको पियर नै रहेको पक्का भईसकेको छ ।
दर्शकहरुमा प्रदिप र प्रियंकालाई लिएर उत्सुकता र कौतुहल्ता बढिरहेको समय प्रियंकाले आफनो इन्स्टाग्राममा सुटिङको एक तस्बिर सेयर गरेकीछिन् । जुन तस्बिरमा प्रियंका प्रदिपसंग रोमाण्टिक मुडमा कफी पिउँदै गरेको देखिन्छ । प्रेमकथामा आधारित यस चलचित्रमा त्रिकोणात्मक प्रेमकथाले दर्शकलाई बाध्नेछ ।
गोविन्दा शाही र सुदीप खड्काले संयुक्त रुपमा निर्माण करिब साढे २ करोडको बजेटमा निर्माण भएको यो चलचित्र लभस्टोरी र कमेडीधारमा दर्शकमाझ आउनेछ । चैत्र ३० मा रिलिज हुने चलचित्रमा सबिन श्रेष्ठ , अनुप विक्रम शाही लगायतको पनि अभिनय रहेको छ ।
