विराटनगर/ प्रथम अन्तर विद्यालय स्तरीय फुटसल कप प्रतियोगिता सुरु भएको छ । विराटनगरमा शुक्रबार एक कार्यक्रम आयोजना गरी विद्यालय स्तरीय फुटसल कप सुरु भएको हो ।
स्थानिय हिट्स एण्ड ह्याङ्गआउटको खेलमैदानमाभएको पहिलो खेलमा आठ वटा स्कूल विजयी भइ क्वाटरफाइनलमा प्रवेश गरेका छन् । प्रतियोगिताको पहिलो खेलमा विराटनगरमा रहेको सप्तकोशी स्कूलले गोदावरी स्कूललाई टाईब्रेकरमा २–० गोल अन्तरले पराजित गरी सप्तकोशी स्कूल क्वाटरफाइलमा प्रवेश गरेको छ ।
त्यस्तै सोह दिन भएको दोस्रो खेलमा सेन्टजोसेफ स्कूलले ग्यालेक्सीलाई टाइब्रेकरमा ३– २ गोल अन्तरले पराजित गर्यो । त्यस्तै तेस्रो खेलमा पोखरीय स्कूल विजयी भयो । पोखरीयाले लर्डबुद्धलाई १३– १ को फाराकिलो गोलअन्तरले हरायो । त्यस्तै चौथो खेलमा बिनायकले एजेलियालाई १०– २ गोल अन्तरले पराजित गर्यो । पाँचौ खेलमा आर्दश स्कूलले गौतमबुद्धलाई २–१ गोल अन्तरले जित्यो । छैठौ खेलमा अर्पणले आइडल स्कूललाई ३– ० गोल अन्तरले हरायो । सातौ खेलमा अन्नपूर्णले ए–वान क्वालिटिलाई २–१ गोल अन्तरले पराजित गर्यो भने अन्तिम खेलमा प्यारागनले डानलाई ९–३ गोल अन्तरले जित्यो ।
फागुन १३ गते हुने फाइनलमा १६ वटा विद्यालयहरुको सहभागि जनाएको छ । उक्त प्रतियोगिता एमएचयन, प्याब्सन मोरङ, प्याब्सनको क्षेत्र नम्बर १, २, ३ र लायन्स क्लब अफ विराटनगर एकाडेमी, लायन्स क्लब फ विराटनगर फ्यिूजनको संयुक्त आयोजनामा भएको हो ।
