कपिलको नयाँ शोमा सुनील ग्रोवरलाई पनि देख्न पाइने अनुमान दर्शकले गरेका थिए । तर सुनीलले एक ट्वीट गर्दै शोमा आफ्नो कमब्याक नरहने जनाएका छन् । सुनिलले ट्वीटमार्फत एक फ्यानको जवाफ दिदै शोमा आफ्नो बापसी नरहने जानकारी दिएका हुन् । ‘म शोमा जोडिन तयार थिए’ सुनीलले अगाडि लेखेका छन् ‘मलाई कुनै फोन आएन ।’ सुनीलको यो ट्वीट भाइरल भएपछि कपिल दुःखी बनेका छन् । उनले जवाफमा ट्वीट गरे ‘पाजी भर्म नफैलाउ ।’
सुनीललाई एक फ्यानले प्लिज कमब्याक कपिल शर्मा शो । हामी तपाईलाई मिस गरिरहेका छौ । लभ यु सर लेखेका थिए । यसको जवाफ सुनीलले यसरी फर्काए ‘भाई तपाइजस्ता केही अन्यले पनि मलाई यही प्रश्न गरेका छन् । मैलै फोन नम्बर पनि परिवर्तन गरेको छैन । कुनै फोन पनि आएको छैन ।’ उनले अगाडि लेखेका छन् ‘पर्खदा पर्खदा मैले अर्काे प्रोजेक्ट साइन गरेको छु । तपाईहरुको आशिर्वादले राम्रो प्रोजेटसँग जोडिएको छु । छिट्टै तपाईको अगाडि आउनेछु ।’
जव कपिलले यो ट्वीट पढे उनले छिट्टै प्रतिक्रिया समेत दिए । उनले लेखे ‘पाजी मैले १०० भन्दा बढी पटक फोन गरेको छु । दुईपटक घरमा समेत गएको छु । तर बिभिन्न कारणले तिमी भेटिएनौ ।’ कपिलले अगाडि थपे ‘ मैले खबर गरेन भनेर भ्रम श्रृजना नगर ।’
कपिल फ्यामिली टाइम विद कपिल शर्मा शोबाट कमब्याक गर्दैछन् भने अहिले खबर बाहिर आएको छ कि सुनील पनि कपिलको पुर्व क्रिएटिभ हेड तथा एक्स गलफ्रेण्ड प्रीति सिमोस र बिग बोस ११ की वीनर शिल्पा शिन्दैका साथ नयाँ शो लन्च गर्ने तयारी गरिरहेका छन् ।
