इटहरी/ नेपाल बाहिर छायाङ्कन गरिएको नेपाली कथानक चलचित्र लिलीबिली आगामी चैत्र ३० गतेदेखी प्रदर्शनमा आउने भएको छ ।
सो चलचित्रको प्रमोशसनको लागि निर्माण तथा कलाकार टोली बुधबार इटहरी आइ पुगेको छ । लिलिबिलीको प्रमोशन टोलीले इटहरीमा पत्रकार भेटघाट गरी फिल्म प्रमोशनका लागी संगितिक कार्यक्रम समेत रहेको जानकारी दिए । संगितिक कार्यक्रममा चलचित्रका गायक प्रताप दासको सहभागिता रहेको छ । चलचित्र लिलिबिलीका निर्माता सुदिप खड्काले चलचित्रलाइ सबै किसिमले उत्कृष्ट बनाउन भरपुर प्रयास गरेको बताए ।
सो चलचित्रमा नायकको भूमिकामा प्रदिप खड्का रहेका छन् भने नायिकाको भूमिकामा जसिता गुरुङ रहेकी छिन् । आफूले उत्कृष्ट अभिनय गरेको दाबी गर्दै फिल्मलाइ दर्शकले मन पराउने उनीहरुको दावी छ । बिदेशका रमणीय स्थलका सुटिङ गरिएको लिलीबिलीले र्दसकको साथ पाउने अपेक्षा गरे ।
चलचित्रमा नायक प्रदीप र नायिका जसिताका साथमा प्रियंका कार्की, अनुप विक्रम शाही, सविन श्रेष्ठ, मनिष श्रेष्ठ, धु्रव दत्त, रितेश चाम्स लगायतका कलाकारको पनि भूमिका रहेको उनीहरुले जानकारी दिए ।
