पथरी । मोरङ धनपाल थान गाउँपालीका–६, स्थित स्रवोदय माध्यमिक विद्यालय कदमाहा परीक्षा केन्द्रबाट एसईई परीक्षा दिर्दै गर्दा एकजना नक्कली परीक्षार्थी पक्राउ परेका छन् । मंगलबार भएको विज्ञान बिषयकोे परीक्षा दिने क्रममा धरान घर भएका सोहिल दर्जी पक्राउ परेको हो । धरानको प्राइभेट एसइइ संस्था टप युनीभरसलबाट परीक्षा दिन आएका प्रथम गजमेरको प्रवेश पत्र लिई परीक्षा दिदै गर्दा दर्जीलाई प्रहरीले पक्राउ गरेका थिए । दर्जीले एसइइ परीक्षा सुरु देखि नै गजमेरको नाममा परीक्षा दिर्दै आएका थिए । धरानको प्राइभेट एइइ संस्था टप युनीभरसलले गाउँपालीका–६, को स्रवोदय माध्यमिक विद्यालयबाट एसइइको परीक्षा फारम भराएका थिए । पक्राउ परेका दर्जीमाथी थप अनुसन्धान भइरहेको इलाका प्रहरी कार्यालय रंगेलीका इस्पेकटर संञ्जीवबाबु खड्काले बताए ।
