पानवारी/ अखिल नेपाल राष्ट्रिय स्वतन्त्र विद्यार्थी युनियन महेन्द्र बहुमुखी क्याम्पस कमिटिले क्याम्पसमा भएको विभिन्न शैक्षिक गतिविधि समेटेर बनाएको २०७५ सालको भित्तेपात्रोको विमोचन गरेको छ ।
बुधबार धरान–१० स्थित क्याम्पसको सभाहलमा आयोजना गरेको कार्यक्रममा अनेरास्ववियु सम्बद्ध विद्यार्थीहरुले नयाँ वर्ष २०७५ सालको उपलक्ष्यमा शुभकामना आदान–प्रदान समेत गरेका थिए । अनेरास्ववियु क्याम्पस कमिटिले प्रकाशन गरेको भित्तेपात्रो सम्पूर्ण विद्यार्थीलाई वितरण समेत गरिएको क्याम्पस कमिटि अध्यक्ष सुजन खत्रीले बताए । कार्यक्रमको प्रमुख अतिथी अनेरास्ववियु सुनसरी अध्यक्ष जिवि खड्काले अनेरास्ववियुले महेन्द्र क्याम्पसमा विद्यार्थीलाई अध्ययनमा सहयोग हुने कार्यक्रम गर्दै आएको र क्याम्पसको शैक्षिक गुणस्तर कायम गर्न दबाब दिदै आएको भन्दै प्रसंसा गरेका थिए । कार्यक्रममा विद्यार्थी नेता रोशन रेग्मी, मोनालिसा श्रेष्ठ, मणिराज राई लगायतको उपस्थित रहेका थिए ।
