बेलबारी/ मोरङको बेलबारी ४ स्थित पंचायत आधारभुत विद्यालयको बालकक्षामा श्रव्यदृश्य कक्षा संचालनका लागि विद्यालयलाई एक थान एलईडी टिभी हस्तान्तरण गरेकाे छ । 
युवा जागरण अभियान नेपाल बेलबारीका अध्यक्ष सुजित बस्नेतले आफ्नो व्यक्तिगत तर्फबाट विहीबार २४ ईन्चको एलईडी टिभी प्रदान गरेका हुन् । बालबालिकाको शिक्षण विधिमा सहजका लागि उक्त टिभी प्रदान गरिएको बस्नेतले बताएका छन् । हस्तान्तरण कार्यक्रममा बोल्दै अध्यक्ष बस्नेतले विद्यालयको वालकक्षामा अन्य शैक्षिक सामाग्री समेत उपलब्ध गराएर नीजि विद्यालयको भन्दा राम्रो स्तर बनाउन सहयोग गर्ने उनले प्रतिवद्धता जनाएका छन् । कार्यक्रममा विद्यालयका प्रधानाध्यापक लोकबहादुर बस्नेत तथा विद्यालयका अध्यक्ष देवीप्रसाद गौतमले विद्यालयको तर्फबाट धन्यवाद ज्ञापन गरेका थिए ।
पञ्चायत आधारभूतमा १ सय ७५ जना विद्यार्थीहरु रहेका छन् । विद्यालयको भौतिक निर्माणका आवश्यक्ता धेरै भएपनि अहिले तत्काल विद्यालय प्राङ्गणमा पानी जम्ने समस्या रहेको शिक्षक सन्तोष फुयालले बताएका छन् । बेलबारी नगरपालिकाले बजेट उपलब्ध नगराएको उनको भनाई छ ।
