धरान ब्लाष्ट । श्रीमेयर गण शम्सेरगञ्जमा कार्यरत नेपाली सेनाका मेजर धिरेन्द्रजंग शाही र ब्राउन सुगर कारोबारी रिम पौडेललाई प्रहरीको विशेष टोलीले बाँकेको ढकेरीबाट लागूऔषध ब्राउन सुगरसहित पक्राउ गरेको छ । उनीहरुको साथबाट ५४ ग्राम ब्राउन सुगर बरामद भएको प्रहरी स्रोतले जनाएको छ ।
शाही ब्राउन सुगर खरिद गर्न ढकेरी गएको गोप्य सूचनाको आधारमा जिल्ला प्रहरी कार्यालय बाँके र कोहलपुरको विशेष टोलीले शनिबार साँझ छापा मारेको थियो ।
पक्राउ परेका पौडेल लागुऔषधको ठूलो कारोबारी भएको बताइन्छ । उनीहरु दुवै जना बाँके प्रहरीको हिरासतमा छन् ।
