पानवारी । पर्वत बोर्डिङ स्कुल धरानमा शुक्रबार स्व. मञ्जिला स्मृति छात्रवृत्ति प्रदान गरिएको छ । स्कुलको कक्षा ५ मा अध्ययनरत छात्रा निलिमा लिम्बू र कक्षा ७ मा अध्ययनरत छात्र सागर विकलाई जनही १० हजार रुपैयाँ छात्रवृत्ति वितरण गरिएको हो । स्कुलका अभिभावक स्व. मञ्जिला लिम्बूको स्मृतिमा परिवारले २०७३ सालमा स्थापना गरेको दुईलाख रुपैयाँको अक्षय कोषको ब्याजबाट स्कुलका जेहेन्दार तथा गरिब विद्यार्थीलाई छात्रवृत्ति वितरण गरिँदै आएको स्कुलका निर्देशक डा. दिलकुमार लिम्बूले बताए । आफ्नी पत्नीको स्मृतिमा स्थापना गरेको छात्रवृत्ति विजय लिम्बू आफैले हस्तान्तरण गरेका थिए ।
