विराटनगर । नगर बाल क्लब सन्जाल वडा नम्बर १३ विराटनगरको आयोजनामा अन्तर विद्यालय स्तरीय हाजिरजवाफ प्रतियोगिता आयोजना गरिएको छ ।
विराटनगरमा शुक्रबार भएको प्रतियोगितामा विराटनगरमा रहेको जेसी बाल सदन स्कूलका प्रथम भएको छ ।
उक्त स्कूलका श्वेता देव, अमन यादव, रिवेश प्रधानको समूह रहेको थियो । द्धितीय पूर्वाञ्चल विद्या सदन सेकेण्डरी बोर्डिङ स्कूल भयो । यस स्कूलका राजन सिंह, फैजान अली, अनमिका यादव, बन्दना ठाकुरको समूह रहेको थियो । तृतीय स्टार स्कूल भयो । यस स्कुलमा श्रीजल श्रेष्ठ, अपेक्षा साहको समूह थियो ।
हाजिरजवाफ प्रतियोगितामा विराटनगर १३ नम्बर वडाका निजी तथा सामुदायिक स्कूलका विद्यार्थीहरुको सहभागिता रहेको सन्जालको अध्यक्ष एन्जेनिता श्रेष्ठले जानकारी दिइन् । उनका अनुसार विद्यार्थीहरुमा भएको प्रतिभा उजागर गर्ने उद्देश्यले यस्तो प्रतियोगिता आयोजना गरिएको बताइन् । ‘विद्यार्थीहरुमा धेरै प्रतिभा हुन्छ,’ संन्जालकी अध्यक्ष श्रेष्ठले भनिन, ‘उनीहरुमा प्रतिभा खोजी गर्न यस्तो प्रतियोगिता गर्दै आएको छौं । विद्यार्थीहरुको चौतर्फी क्षमता अभिवृद्धी गर्न विभिन्न रचनाआत्मक कार्यक्रम आगमी दिनमा पनि गर्दै जानेछौं,’ उनले भनिन् । यस अघि पनि यस बाल क्बलले विभिन्न कार्यक्रमहरु गर्दै आएको थियो ।
