मोरङ । संस्थागत विद्यालयतर्फ विराटनगरको एभरेष्ट इङ्लिस बोर्डिङ स्कुल देशभरबाटै उत्कृष्ट भएको छ । सरकारले निर्धारण गरेको मापदण्ड पूरा गर्नेमा विराटनगर–६ को एभरेष्ट देशकै उत्कृष्ट बन्न सफल भएको हो । नेपाल सरकारले कक्षा–१२ सम्मको माध्यामिक शिक्षा उत्तीर्ण परीक्षा (कक्षा १२ ) मा सामुदायिक तीन र संस्थागततर्फका तीन विद्यालयलाई छनोट गरेको थियो । जसमा एभरेष्ट संस्थागतबाट उत्कृष्ट बनेको हो । यता सामुदायिकमा पोखराको अमरसिंह मावि रहेको छ । नेपाल सरकार शिक्षा, विज्ञान तथा प्रविधि मन्त्रालयले बुधबार सूचना प्रकाशित गर्दै उत्कृष्ट विद्यालय छनोट गरेको हो । उत्कृष्ट हुने विद्यालयलाई ३९ औं राष्ट्रिय शिक्षा दिवस २०७५ तथा अन्तर्राष्ट्रिय साक्षरता दिवसको अवसरमा शनिबार पुरस्कृत गरिने छ ।