धरान । सुनसरी जिल्लास्तरीय स्काउट अन्तर दल गायन प्रतियोगिता शुक्रबार सम्पन्न भएको छ ।
धरान–१३ स्थित पब्लिक मावि फुस्रेको आयोजनामा भएको प्रतियोगितामा छात्र तर्फ स्माइल थापा र छात्रा तर्फ प्रतिक्षा ढकाल विजेता बनेका छन् । थापा इटहरीसस्थत ब्राइट फ्युचरका विद्यार्थी हुन् भने ढकाल सैनिक महाविद्यालयकी विद्यार्थी हुन् । त्यस्तै छात्रमा पब्लिक मावि फुस्रेका प्रकाश मगर दोस्रो र सैनिक महाविद्यालयका निश्चल बर्देवा तेस्रो बने । त्यस्तै छात्रामा जेम बोर्डिङका युविना राई र समिट स्कुलकी मिनिसा राई तेस्रो बनिन् ।
कार्यक्रमको निर्णायक शुभला कुलुङ, सन्दीप प्रधान र डम्बर राई रहेका थिए । विजेताहरूलाई धरान–१३ का वडाध्यक्ष नेत्र काफ्ले, नेपाल स्काउटका पूर्व राष्ट्रिय सचिव बासुदेव भण्डारी, विद्यालयका प्रअ पुरुषोत्तम निरौलाले पुरस्कार वितरण गरे । प्रतियोगितामा २३ स्काउट सहभागी बनेको कार्यक्रम संयोजक तथा जिल्ला समन्वय आयुक्त लक्ष्मण राईले बताए । यसैबीच जिल्ला सङ्गठन आयुक्त ज्ञानु श्रेष्ठले बिष्णु मेमोरियलका २३ बिद्यार्थीलाई स्कार्फ र ब्याज वितरण गरेका थिए ।
