धरान / धरान १५ वगरकोटस्थित एमएच विविक्यु हाउसले तिहारको अवसरमा शनिवार आयोजना गरेको एम एच टुवर्ग दिपावली साँझमा गायक डिल्ली फोम्वोले बगरकोट तताएका छन् ।
पूर्वका चर्चित धराने गायक फोम्वो र द विमोक्स व्याण्डको प्रस्तुतिले शनिवार साँझ बगरकोट रंगित बन्यो । उनले आफ्नो माइली, सेकमाङ्ग, रातकी रानी , चिटिक्क र सम्वन्ध वोलका गितसहित दर्जन गित गाए ।
फोम्वालाईसँगै धरान संगित प्रतिष्ठानका सदस्य किरण श्रेष्ठलेसमेत आफ्नो प्रस्तुति दिए । स्थानीय कलाकारहरुलाई प्रोत्साहित तथा व्यवसायिक वनाउन सहयोग पु¥याउने उद्देश्यले एमएचले कार्यक्रम आयोजना गरेको एमएचका प्रोपराइटर जीवन लिम्वुले जानकारी दिए । यस्ता विशेष कार्यक्रमहरुको आयोजना वाहेक पनि एमएचमा हरेक साँझ स्थानीय कलाकारहरुको प्रस्तुति र डिजे सेसन हुदै आएको छ । तस्विरः विकास चाम्लिङ राई
