विजयपुर/लागूऔषधसहित दुईलाई धरान प्रहरीले पक्राउ गरेको छ । प्रहरीले चेकजाँचका क्रममा धरान–८ तीनकुनेबाट ६ सय ग्राम गाँजासहित एकजनालाई पक्राउ गरेको हो ।
त्यस्तै एभिल, डाइजेलाप र लुपिसेसिक बोकेर ल्याउँदै गरेको अवस्थामा थप एक युवालाई नियन्त्रणमा लिएको हो । सुन्दरहँरैचा नगरपालिका–८ का वृद्ध नरेन्द्रबहादुर पौडेल र धरान–८ कविरटोलका नवीन भनिने किशोर राईलाई पक्राउ गरिएको इलाका प्रहरी कार्यालय धरानले जनाएको छ ।
वृद्ध पौडेलको साथबाट ६ सय ग्राम गाँजा बरामद गरेको हो भने राईको साथबाट एभिल ७, डाइजेलाव ६ र लुपिजेसिक ७ थान बरामद गरिएको इप्रका धरानका डिएसपी सुमनकुमार तिम्सिनाले जानकारी दिए ।
