ब्लाष्टखबर । ओखलढुङगाको मानेभञ्याङ गाउँपालिका-२ वाक्सालेवामा आगलागी हुँदा ४ घर जलेर नष्ट भएका छन् । मिति २०७५।०७।२० गते दिउसो १३:४५ बजेको समयमा स्थानीय नृपबहादुर कार्कीको घरमा रहेको मौरी भाग्न लागेको भनि निजको छोरा बर्ष १० को उज्वल कार्कीले आगो बाली खरानी उडाउने क्रममा अचानक घरमा आगलागी भएको थियो । उक्त आगलागीबाट नृप बहादुर कार्कीको ढुङ्गा माटोले बनेको फुसको छानो भएको २ तले घर, जितमायाँ राईको ढुङ्गा माटोले बनेको फुसको छानो भएको २ तले घर र गोठ, धिरेन्द्र राईको ढुङ्गा माटोले बनेको फुसको छानो भएको २ तले घर र अमृत बहादुर कार्की को ढुङ्गा माटोले बनेको फुसको छानो भएको २ तले घर जलेर नष्ट हुँदा अन्दाजी मुल्य रु ४०,००,०००।–(चालिस लाख) बराबरको क्षति भएको जिल्ला प्रहरी कार्यालय ओखलढुङगाले जनाएको छ । उक्त आगलागीमा परी नृप बहादुर कार्कीको २ वटा भैसी जलेर घाईते भएको तथा जितमायाँ राईको गोठमा बाँधेको ९ ओटा बाख्रा जली मृत्यू भएको छ । आगो नियन्त्रणमा लिने क्रममा बर्ष ६५ को अमृत बहादुर कार्की सामान्य घाईते भएका छन् । उक्त आगलागी स्थानीय वासिन्दा र प्रहरीको सक्रियतामा दिउसो १६:४५ बजे पूर्ण रुपमा नियन्त्रणमा आएको उक्त कार्यालयले जनाएको छ ।
ब्लाष्टखबर युट्युब
