वनभोज खाएर फर्किने क्रममा दुर्घटना हुँदा ३ को मृत्यु(अस्पतालकाे भिडियासहित)

धरान/ वनभोज खाएर फर्किने क्रममा बेलका नगरपालिका–८ मा ट्याक्टर दुर्घटना हुँदा ३ को मृत्यु भएको छ ।

वराहक्षेत्रस्थित चतराको पुलमा वनभोज खाएर फर्किएको स. १ त ५८५० नम्बरको ट्याक्टर दुर्घटना हुँदा ३१ जना घाइते बनेका छन् । मृत्यु हुनेमा बेलका नगरपालिका–२ की बिनिता चौधरी, इन्द्र चौधरी र दीपिका चौधरी रहेका छन् ।

भागलपुर फर्कदै गरेको ट्याक्टर बेलका–८ रङ्गमहलको ओरालोमा दुर्घटना भएको इलाका प्रहरी कार्यालय रामपुरका प्रहरी निरीक्षक नवीन सिंहले बताए । आइतबार साँझ करिब ४ बजे दुर्घटना भएको थियो ।

दुर्घटनामा बेलका–२ का अशोक चौधरी, ६ वर्षीया देविका चौधरी, १० वर्षीया एससा चौधरी, १० वर्षीया विष्णु चौधरी, १३ वर्षीया दीक्षा चौधरी, १० वर्षीया चाँदनी चौधरी, ११ वर्षीया स्मारिका चौधरी, २१ वर्षीय अजित चौधरीलगायत रहेका छन् । घाइते सबैको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ ।