एजेन्सी / केही समयअघि बलिउड अभिनेतृ प्रियङ्का चोपडा र उनका पति गायक निक जोनसको सम्बन्धविच्छेद हुन लागेको चर्चा चलेको थियो ।
अमेरिकामा मे १ मा भएको ‘बिलबोर्ड म्युजिक अवार्ड २०१९’ मा प्रियङ्का र निकले स्टेजमै माया प्रदर्शन गरेपछि अहिले उनका फ्यानहरूबीच माया प्रदर्शनको भिडियो भाइरल बनेको छ ।
अवार्ड कार्यक्रममा निक स्टेजमा प्रस्तुति दिइरहेका बेला प्रियङ्काले चुम्बन गरेर दुनियाँ सामु माया प्रदर्शन गरिन् । यो भिडियोको फुटेज अहिले सामाजिक सञ्जालमा चर्चामा छ । उनीहरूबीचको सम्बन्धमा फाटो आएको खबर बाहिरिएपछि त्यसको जवाफमा प्रियङ्का–निकले माया प्रदर्शन गरेको चर्चा छ ।
