एजेन्सी / बलिउड अभिनेत्री रानी मुखर्जी नयाँ फिल्ममा प्रहरी अधिकारीका रूपमा देखा पर्दैछिन् । रानी प्रहरी बनेको फिल्म ‘मर्दानी २’ को पहिलो झलक सार्वजनिक भएको छ । सार्वजनिक फोटोमा उनलाई एक प्रहरी अधिकारीको पोसाकमा देखाइएको छ ।

यशराज फिल्म्सले ट्वीटरबाट रानीको प्रहरी भेषको तस्बिर सार्वजनिक गरेको हो । रानी गतवर्ष ‘हिच्की’ नामक फिल्ममा देखिएकी थिइन् । मदानी २ यसअघिको फिल्म ‘मर्दानी’ को सिक्वेलका रूपमा बनाउन लागिएको हो ।