ताप्लेजुङ । आज १६ औ धान दिवस । फुङलिङ नगरपालिकाको आयोजनामा फुनपा वडा नं ३ मा रोपाई कार्यक्रम समेत आयोजना गरिएको थियो । रोपाईमा फुङलिङ नगरपालिकाका मेयर, उपमेयर, प्रमुख जिल्ला अधिकारी, सुरक्षा निकायका प्रमुखहरुको उपस्थिती रहेको थियो । हिलो सँग उनिहरु निकै रमाएका थिए । यतिबेला किसानलाई भ्याइनभ्याई छ । यसमा पनि असार १५ को दिनले त किसानका लागि पर्व जत्तिकै महत्व राख्छ । धाइधपेडीको यो दिनमा किसानहरु गीत गाउँदै र जिस्किँदै रोपाइँको मेलो सक्न जुट्छन् । हिलो खेल्दै र छिल्लिँदै थकान कम गर्ने उनीहरुको काम गराइको काइदा हुन्छ ।
