विजयपुर । शिवबाबा भक्त समाज नेपालले पुस १५ गतेदेखि २३ गतेसम्म पितृमोक्षका लागि श्रीमद् भागवत महापुराण लगाउने भएको छ ।

समाजले आइतबार धरानमा पत्रकार सम्मेलन गर्दै धरान–८ सेउती पुल पारी जंगल क्षेत्रमा महापुराण लगाउने भएको हो । पुराणमा कृष्णप्रसाद गुरागाईंसहित ५ जना पण्डितले कथावाचन गर्ने संस्थाकी संरक्षक सम्झना तिम्सिनाले बताइन् । कोशी लोकमार्गको धरान इटहरी सडकखण्डमा धेरै दुर्घटना हुने भएकाले मृतकको आत्माको शान्तिका लागि पनि पुराण लगाउन लागिएको समाजका अध्यक्ष भैरवप्रसाद नेपालले बताए ।