ब्लाष्टखबर । रुपन्देहीबाट सिमेन्ट बाेकेर काठमाण्डाैं जाँदैगरेकाे ट्रक त्रिशुली नदीमा खस्दा ट्रकका चालक र सहचालककाे मृत्यु भएकाे छ ।
लु १ ख ७७६३ नम्बरको ट्रक रोराङ गाउँपालिकाको वडानम्बर १० अन्तर्गत पर्ने बेनीघाट स्थित पृथ्वी राजमार्गबाट त्रिशुली नदीमा खस्दा ट्रकका चालक काभ्रेको बनेपा नगरपालिकाका ४५ वर्षीय विष्णु घिमिरे र सोही ठाउँ घर भएका सहचालक २८ वर्षीय समुन सञ्जेलको मृत्यु भएको इलाका प्रहरी कार्यालय गजुरीले जनाएकाे छ ।
दुर्घटना पछि इलाका खटिएकाे प्रहरी टोली र सशस्त्र प्रहरी बलको टोलीले चालक र सहचालकको शव निकालेर पोस्टमार्टमका लागि प्राथमिक स्वास्थ्य केन्द्र गजुरी पठाउनुका साथै
दुर्घटना कसरी भयो भन्ने विषयमा अनुसन्धान भइरहेको उक्त कार्यालयले जानकारी दिएकाे छ ।
