कोभिड–१९ को महामारीका बेला सञ्चारकर्मीको स्वास्थ्य सुरक्षा तथा सूचना संकलनमा सहयोग पु¥याउन प्रेस चौतारी नेपाल सुनसरीले स्थानीय तहको ध्यानाकर्षण गराएको छ ।
प्रेस चौतारी नेपाल सुनसरी जिल्ला कार्य समितिले मंगलबार जिल्लाका १२ वटै स्थानीय तहका प्रमुखलाई ध्यानाकर्षण पत्र बुझाउदै पत्रकारलाई फिल्डमा काम गर्नका लागि स्वास्थ्य सुरक्षा तथा सूचना संकलनमा सहयोग पु¥याउन आग्रह गरेको छ ।
स्थानीय तहका प्रमुखलाई ध्यानाकर्षण पत्र बुझाउँदै फेलोसिप कार्यक्रम ल्याउन, स्थानीय मिडियालाई समानुपातिक रुपमा विज्ञापन उपलब्ध गराउन, रिपोर्टिङ गर्न फिल्डमा खटिने सञ्चारकर्मीलाई आवश्यक स्वास्थ्य सुरक्षा सामाग्री उपलब्ध गराउन साथै समन्वय गर्न आग्रह गरेको छ ।
प्रेस चौतारी नेपाल एक नं. प्रदेश सदस्य सन्तोष काफ्ले, पत्रकार महासंघ कतार शाखाका कार्यसमिति सदस्य खेमराज सुवेदी, प्रेस चौतारी नेपाल सुनसरी सदस्य तथा धरान इन्चार्ज दामोदर गुरागाई लगायतको उपस्थितिमा ध्यानाकर्षण पत्र बुझाइएको थियो ।
जिल्लाका धरान, इटहरी, बराहक्षेत्र, इनरुवालगायतका स्थानिय तहका प्रमुखहरुलाई ज्ञापन–पत्र बुझाइएको प्रेस चौतारी सुनसरीका अध्यक्ष शेखर ढकालले जानकारी दिए ।
ज्ञापन–पत्र बुझ्दै धरान उपमहानगरपालिकाका प्रमुख तिलक राईले प्रेस चौतारीले ध्यानाकर्षण गराएको विषयमा सकारात्मक रहेको प्रतिक्रिया दिए ।
मेयर राईले चौतारीले राखेको मागप्रति सकारात्मक हुँदै तत्काल छलफल गरेर स्वास्थ्य सामग्री उपलब्ध गराउने, फेलोसिपका लागि पत्रकार महासंघसँग समन्वय गर्ने तथा समानुपातिक विज्ञापनका विषयमा समेत छलफल गर्ने प्रतिबद्धता व्यक्त गरे ।
'महासंघले प्रभावकारी भूमिका खेल्न सकेन'
प्रेस चौतारी नेपाल सुनसरीले नेपाल पत्रकार महासंघ सुनसरीका अध्यक्ष जनकऋषि राईलाई ध्यानकर्षण पत्र बुझाउदै संकटको समयमा पत्रकार महासंघ सुनसरीले प्रभावकारी भूमिका निर्वाह गर्न नसकेको औंल्याएको छ ।
‘संकटसँग जुधिरहेका सञ्चारकर्मी र सञ्चार संस्थाहरुको राहतका लागि आवश्यक कार्यक्रम ल्याउन नसकेकाले सञ्चारजगतको भूमिका समेत खुम्चिने अवस्था आएको’ ध्यानकर्षण पत्रमा उल्लेख गरिएको छ ।
महामारीको समयमा पत्रकारहरुलाई घरबाटै काम गर्ने वातावरण बनाउन भूमिका खेल्न, पारिश्रमिक नपाएका पत्रकार तथा सञ्चार गृहबाट निकालिएका पत्रकारहरुलाई आवश्यक सहयोग गर्न र संकटको समयमा तत्काल प्रभावकारी कदम चाल्न महासंघको ध्यानाकर्षण गराएको छ ।
ध्यानाकर्षण पत्र बुझ्दै पत्रकार महासंघ सुनसरीका अध्यक्ष जनकऋषि राईले जिल्लाका सञ्चार संस्था र सञ्चारकर्मीको अभिलेख राख्ने काम गरिरहेको भन्दै तत्पश्चात् कार्यक्रम ल्याउने आश्वासन दिए ।
