धरान । हाल अमेरिकामा रहेका गायक तथा सङ्गीतकार भुवन सुप्तिहाङ राईको सङ्गीतमा ‘म मरेपनि’ बोलको नयाँ गीतको भिडियो सार्वजनिक भएको छ ।
चर्चित नवगायक प्रविण बेडवालको स्वर र खेमराज राई ‘आत्मा’को शब्द रहेको गीतको भिडियो परिसिने सङ्गीत च्यानल मार्फत सार्वजनिक भएको हो । गीतको एरेन्ज कृष्ण लिम्बु सावदेन, रेकर्डिङ राजेश श्रेष्ठ र मिक्सिङ तथा मास्टरिङ किशोर थापाले गरेका हुन् । भिडियोमा भने गायक बेडवालले स्टुडियोमा गाउँदाको दृश्य राखिएको छ ।
अमेरिकाको व्यस्त दैनिकिबिच पनि सङ्गीतमा सक्रिय सुप्तिहाङ नेपालमा हुँदा पूर्णकालिन रुपमा गायन तथा सङ्गीतमा समर्पित थिए ।
भिडियो
