हुर्रिँदै आए बैरी अचानक, हुरी झैँ तालिवान
सकेन गर्न प्रतिकार अन्तमा, हारे अफगान !
राष्ट्रको अध्यक्ष नै भइदिए, देशबाट फरार
जनताहरु अब कहाँ गई, गरोस् हारगुहार?
बाँच्ने जिजीविषाले विमानभित्र, भीड गर्दै पसे
धक्कमधक्कामा बिचरा कोही, विमानबाटै खसे !
मरिने नीरिह जनता नै हुन्, विचराको के दोष?
अहंको मादले मन भाँडिँदा, हुन्छ कसको होश?
सुनिन्छ नेपालीहरु पनि धेरै, फसेका छन् त्यहाँ,
समाचार सुनेर गाउँघरमा, रुवावासी यहाँ १
युद्ध कत्ति पनि हैन है राम्रो, कसले बुझिदिने?
हतियार मतियार दुवै आफै, कस्ले सुनिदिने?
गोपाल कृष्ण डंगोल
महाराजगञ्ज, काठमाण्डौँ
हाल/इटहरी, प्रदेश नं. १
