विजयपुर । ‘जुनियर मिस धरान–२०२१’ को फाइनल कार्तिक–१३ गते हुने भएको छ ।
ड्रिम मोडलिङ एजेन्सीले आयोजना गरेको प्रतियोगिताको फाइनल बीपी कोइराला स्वास्थ्य विज्ञान प्रतिष्ठानको दशहरा हलमा हुने भएको छ ।
प्रतियोगितामा २३ जना सहभागि भएको आयोजकले जनाएको छ । जुनीयर मिस धरानमा ६ वर्षदेखि १३ वर्षसम्मका बालिकाहरूको सहभागिता रहेको प्रतियोगिताका संयोजक निश्चल पालिकेले बताए ।
प्रतियोगितामा प्रथम हुनेले १५ हजार नगद ट्रफी, ५ लाखको बिमा, उपहार र प्रमाणपत्र प्राप्त गर्नेछन् । दोस्रो हुनले १० हजार नगद, र तेस्रो हुनेले ५ हजार नगद सहित ट्रफी, बिमा तथा प्रमाणपत्र प्राप्त गर्ने आयोजकले जनाएको छ ।
गत वर्ष नै अडिसन सुरु गरिएको प्रतियोगिता कोरोना महामारीका कारणले रोकिएको आयोजकले जनाएको छ ।
