धरान/युनाइटेड डान्स एकेडेमी धरानले दिपावली तथा छटको अवसर पारेर शुभकामना आदानप्रदान कार्यक्रम शनिबार सम्पन्न गरेको छ ।
एकेडेमीको धरान–९ स्थित कार्यालयमा सम्पन्न कार्यक्रममा वक्ताहरूले चाडपर्व सजक हुँदै सुरक्षित तरिकाले मनाउन आग्रह गरे । दिपावलीमा विशेष गरी बत्तीको प्रयोग गरिने भएकाले सजग रहनका लागि आग्रह गरियो । धरान नृत्य कला प्रतिष्ठानका सदस्य एलिसा विक, गायक तथा नेकपा एमालेका नेता मोतीराज सुनुवार, अर्का एमाले नेता विजय राई, नृत्य निर्देशन नगेन्द्र राईलगायतले शुभकामना व्यक्त गरे । तृष्णा राईको अध्यक्षतामा भएको कार्यक्रममा करिस्ता राईले सञ्चालन गरेकी थिइन् ।
