धरान । युवापुस्तामाझ लोकप्रिय गायिका मेलिना राईको ‘के छ तिम्रो विचार’ गीतको म्युजिक भिडियो सार्वजनिक गरिएको छ ।
उनलाई गायक कृष्ण काफ्लेले साथ दिएका छन् । दीपराज थापाको शब्दमा रहेको गीतको निर्देशन शिशिर खातीले गरेका हुन् । गीतमा नायिका नम्रता सापकोटाको अभियन रहेको छ ।
भिडियोमा एक युवकले युवतीलाई मन पराउनेदेखि उसले देखेका सपनालाई कलात्मक शैलीमा उतारिएको छ । शृङ्गारिक गीतको सङ्गीत सोनाम बज्यूले गरेका हुन् ।
नम्रतालाई मन पराउने युवकका रूपमा कलाकार दिनेश काफ्लेलाई देख्न सकिन्छ । गीतको सह–निर्देशन मिलन विकले गरेका छन् ।
