विजयपुर । गायक प्रमोद पोर्तेलको गीत ‘कोल्टे जिन्दगी’ को म्युजिक भिडियो सार्वजनिक भएको छ ।
सोमबार वराह कम्प्लेक्सको सभाहलमा गायक अनमोल गुरुङले भिडियो सार्वजनिक गरेका हुन् । गीतको रचना पनि पोर्तेल नै गरेका हुन् ।
भिडियोको निर्देशन सुल्तान इधिङ्गोले गरेका छन् । गीतमा सङ्गीत संयोजन सरोज विश्वकर्माले गरेका छन् । भिडियोमा गायक पोर्तेल र प्रज्ञा भण्डारीले अभिनय गरेका छन् ।
म्युजिक भिडियो सार्वजनिक कार्यक्रममा वराह ग्रुपका पब्लिक रिलेसन अफिसर सुरेन्द्रसिंह विश्वकर्मा, विजयपुर मिडिया ग्रुपकी अध्यक्ष हिमाल राई, गीतकार मीना सिङ्गक, जुदह प्लाउज ब्याण्डका भोकलिस्ट दानियल गदाल, महिमा भट्टराईलगायतको उपस्थिति रहेको थियो ।
