धरान । भारतीय गायिका सञ्जीवनीको नयाँ गीत ‘प्रिय तिम्रो तस्बिर कोर्न मन लाग्छ’ गीतको भिडियो सार्वजनिक भएको छ ।

गीतकार तथा सङ्गीतकार उमेश रेग्मीको गीत सार्वजनिक भएको हो । सञ्जीवनीले लामो समयपश्चात् नेपाली गीत गाएकी हुन् । उनले यसअघि पुरानो हुँदैन माया, डाँडा पाखा छहाराले, पानी मीठो मेरो हजुर जस्ता गीत गाएर लोकप्रिय बनेकी थिइन् ।

देवेन्द्र नेवाको सङ्गीत संयोजनमा बनेको गीतको निर्देशन सोनम पाख्रिनले गरेका हुन् । गीतमा स्मृति श्रेष्ठ र कमल सिंहको अभियन रहेको छ ।