धरान । गायिका मेलिना राई र गायक रमेश कँडेलको स्वरमा नयाँ गीत सार्वजनिक भएको छ ।
चम्पाकली बोलको म्युजिक भिडियो सार्वजनिक भएको हो । शीतल कादम्बिनीको शब्द रहेको गीतमा सिडी विजय अधिकारीको सङ्गीत रहेको छ ।
स्वच्छन्दवादी गीतमा नाजीर हुसेन र गीता ढुङ्गानालाई फिचर्ड गरिएको छ । सुनिल क्षेत्रीको निर्देशनसहित कोरियोग्राफी रहेको गीतमा नाजीर र गीताको रोमान्स देखाइएको छ ।
युवापुस्तालक्षित गीतको छायाङ्कन करण चैसिरले गरेका हुन् । गीतको भिडियो सम्पादन भने अमृत चापागाईंले गरेका छन् । रिकेश गुरुङको सङ्गीत संयोजन रहेको गीत डिएआर डिजिटलको अफिसियल च्यानलमार्फत् सार्वजनिक गरिएको हो ।
कोरोना महामारीका कारण सिने क्षेत्रमा प्रभाव परिरहेका बेला म्युजिक भिडियो निकाल्ने होड चल्न थालेको छ । छोटो समयमै छायाङ्कन गर्न सकिने भएकाले म्युजिक भिडियोतर्फ लगानी बढेको हो । विशेष गरी फिल्ममा कार्यरत रहेका अभिनेता, अभिनेत्रीहरू पनि भिडियोमा देखिने गरेका छन् ।
