धरान । भ्वाइस अफ किड्स प्रतियोगिताको सेमीफाइनलसम्म पुगेकी गायिका रुक्सना लिम्बूसँग गायक राजेश पायल राईले गाएको ‘चोरी भो’ बोलको युगल गीत सार्वजनिक भएको छ ।
गायक राजेशपायलकै सङ्गीत तथा गीतकार राजन मुकारुङको शब्द रहेको ‘चोरी भो’ गीतलाई यसअघि यही टिमले द भ्वाइसकी मेलिना मैनालीसँग रेकर्ड गरेको चर्चित गीत ‘चोरी भो’ को दोस्रो भागको रूपमा सार्वजनिक गरिएको हो । स्टुडियो किङमा रेकर्ड गरिएको गीतमा राजु कार्कीको सङ्गीत संयोजन रहेको छ ।
गायक राजेशपायलकै अफिसियल युट्युब च्यानलबाट सार्वजनिक गरिएको गीतको स्टुडियो भिडियो कतारसँगै नेपालमा पनि ट्रेन्डिङमा उक्लिरहेको छ ।
यसअघि राजेशले भ्वाइस अफ किड्सकै प्रतिस्पर्धी पेमा देचेन तामाङसँग पनि गीत रेकर्ड गराएका थिए । राजेशपायल राई म्युजिक एकेडेमीको निर्माणमा यस्तै अन्य प्रतिभाहरू ल्याउने दृढता राईले व्यक्त गरे । गायक राईको रुक्सना
लिम्बूसँगै अरू गीतहरू पनि आउने र भ्वाइस अफ किड्सको फाइनल राउण्डमा पुगेकी अर्की गायिका मिन्छामा राईसँग पनि नयाँ गीत ल्याउने तयारीमा छन् ।
