धरान । गायक रामकृष्ण ढकालको स्वरमा ‘ए पहरी फूल’ गीतको भिडियो सार्वजनिक भएको छ ।
गीता गिरी शेरचनको शब्द रचना रहेको गीतमा राजु सिंहको सङ्गीत रहेको छ । गीता हाल प्रवासमा रहेर लेखनमा सक्रिय छिन् । गीतमा नरेन खड्का, अनु साह, वसन्त घिमिरे, पवित्रा साहको अभिनय रहेको छ ।
प्रेमभावमा आधारित गीतमा पहरी फूलको बारेमा वर्णन गरिएको छ । उक्त फूललाई प्रेमको प्रतीकको रूपमा उतारिएको छ । आम दर्शक तथा श्रोताले गीत मनपराइदिने निर्माता वसन्त बस्नेतले जानकारी दिए ।
गीतको निर्देशन लिगेश भट्टराईले गरेका छन् । राजेशकुमारको सम्पादन रहेको गीतमा प्रेम र रोदनलाई कलात्मक ढङ्गले प्रस्तुत गरिएको छ ।
