धरान । निमेष प्रधानको निर्देशनमा बनेको ‘सम्झना–बिर्सना’ आगामी जेठ ६ गतेदेखि प्रदर्शन आउने भएको छ ।

प्रेमकथामा आधारित फिल्ममा पूजा शर्मा र आकाश श्रेष्ठको मुख्य भूमिका रहेको छ । फिल्ममा सुनिल थापा, शिशिर राणा र छुल्ठिम गुरुङको पनि भूमिका रहेको छ ।

निर्माण युनिटले शुक्रबार फिल्मको नयाँ पोष्टर सार्वजनिक गर्दै प्रदर्शनको मिति तोकेको हो । दार्जिलिङ, सिलिगुडी तथा सिक्किममा फिल्म खिचिएको छ । ‘सम्झना–बिर्सना’ ले पूजा–आकाशलाई एकपटक फेरि सँगै पर्दामा हेर्ने दर्शकको चाहना भने पूरा गर्ने भएको छ ।