यासोक । पाँचथरको कुम्मायक गाउँपालिकाका श्रष्टा सम्मानित भएका छन । कुम्मायक गाउँपालिकाको आर्थिक सहयोगमा संकल्प ब्याण्ड यासोकले दश जना कलाकारहरुलाई सम्मान गरेको हो । त्रिशाली पूजा र मेलाको अवसरमा प्रशंसा पत्र र नगद सहित श्रष्टा सम्मान गरिएको आयोजक संस्थाका अध्यक्ष सुर्य लावतीले बताए ।
सम्मानित हुनेमा गायक खड्ग बोहोरा, डान्सर महेन्द्र निरौला, गायक ब्रबिन सेर्मा, यादन सेर्मा रहेका छन । त्यस्तै गगन प्रकाश लिम्बू, सन्तोष राई, हिमाली फेवादिन, तनम तान्छोक लावती, चन्द्र सम्बाहाम्फे र सन्दिप लावती रहेका छन । कुम्मायक घर भई हाल गायन र नृत्य क्षेत्रमा सकृय उनिहरुलाई एक कार्यक्रमका बीच सम्मान गरिएको कुम्मायक—१ का वडाअध्यक्ष देबेन्द्रकुमार लावतीले बताए ।
गायन क्षेत्रबाट गाउँपालिकाको नाम र प्रतिष्ठालाई उच्च बनाउने काम गरेको भन्दै श्रष्टा सम्मान कार्यक्रमलाई निरन्तरता दिने गाउँपालिका अध्यक्ष जयबहादुर चेम्जोङले जोड दिए । गाउँपालिकाले श्रष्टा सम्मानको लागि २ लाख ५० हजार रुपैयाँ रकम बिनियोजन गरेको थियो । सोही रकमबाट दश जना श्रष्टाहरुलाई सम्मान गरेको हो ।
