बराहक्षेत्र नगरपालिकामा बिहान ८ः३० बजेसम्म ११ हजार ३८९ मतगणना सकिएको छ ।
निर्वाचन अधिकृतको कार्यालयका अनुसार उक्त मतगणना सकिदा गठबन्धनबाट प्रमुखका उम्मेदवार काँग्रेसका रमेश कार्की ४५८३ मत प्राप्त गरेका छन् । भने एमाले निलम खनालले ३६८१ मत प्राप्त गरेका छन् ।
वडा १ र २ को मतगणना गर्दा अग्रता लिएका खनाललाई १० र ११ को मत गणना गर्दै गर्दा कार्कीले ९०२ मतले पछि पारेका छन् ।
उपप्रमुखमा भने एमालेकी उम्मेदवार नन्दकुमारी राईको अग्रता कायमै रहेको छ । उनले ३९६२ मत प्राप्त गर्दा निकटतम प्रतिस्पर्धी गठबन्धनकी उम्मेदवार माओवादी केन्द्रकी अमित गौतमले २६०७ मत प्राप्त गरेकी छिन् ।
