धरान उपमहानगरपालिको प्रमुखमा स्वतन्त्र उम्मेदवारी दिएका हर्क साम्पाङ सुरुवाती चरण देखिनै अग्रता लिएको गठबन्धन दलका उम्मेदवारलाई उछिन्दै अघि बढेका छन् ।
निर्वाचन आयोगकाे कार्यालयले सार्वजनिक गरेको वडा नम्बर १९ को २ हजार मत गणना हुँदाको पछिल्लो मत परिणाम अनुसार साम्पाङले १४ मतले गठबन्धनका उम्मेदवार काँग्रेसका किशोर राईलाई उछिन्दै अग्रता लिएका हुन् ।
हालसम्म राईले ८१२६ मत प्राप्त गर्दा साम्पाङले ८१४० मत प्राप्त गरेका छन् । एमालेकी उम्मेदवार मञ्जु भण्डारी (सुवेदी) ले भने ६७१३ मत प्राप्त गरेकी छिन् ।
यसै गरी, उपमेयरमा गठबन्धनका उम्मेदवार अइन्द्रबिक्रम बेघाको अग्रता कायमै छ । उनले ९१३६ मत प्राप्त गरेका छन् । एमाले उम्मेदवार पदम इस्वोले ८८५१ मत प्राप्त गरेर बेघालाई पछ्याइरहेका छन् ।
