धरान उपमहानगरपालिमा हाल सम्म २९ हजार ७६४ मत गणना भइसक्दा प्रमुखमा स्वतन्त्र उम्मेदवारी दिएका हर्क साम्पाङले १७९ मतले अग्ता लिएका छन् ।
सुरुवाती चरण देखिनै अग्रता लिएको गठबन्धन दलका उम्मेदवारलाई १४ मतले उछिन्दै अघि बढेका सम्पाङले मतान्तरकाे संख्या बढाउदै गएका छन् ।
निर्वाचन आयोगकाे कार्यालयले सार्वजनिक पछिल्लाे मत परिणाम अनुसार साम्पाङले ८६१६ मत प्राप्त गर्दा गठबन्धनका उम्मेदवार काँग्रेसका किशोर राईले ८४३७ मत प्राप्त गरेका छन् ।
एमालेकी उम्मेदवार मञ्जु भण्डारी (सुवेदी) ले भने ६८९५ मत प्राप्त गरेकी छिन् ।
यसै गरी, उपमेयरमा गठबन्धनका उम्मेदवार अइन्द्रबिक्रम बेघाको अग्रता कायमै छ । उनले ९५२० मत प्राप्त गरेका छन् । एमाले उम्मेदवार पदम इस्वोले ९१६२ मत प्राप्त गरेर बेघालाई पछ्याइरहेका छन् ।
