धरान । धरान–१ मा रहेको धरान कलेज अफ मेनेजमेन्टले आख्यानकार विश्वेश्वरप्रसाद कोइरालाको स्मृति दिवसको अवसरमा वक्तृत्वकला प्रतियोगिता सम्पन्न गरेको छ । प्रतियोगितामा कलेजकी बीबीए पाँचौं सेमेस्टरकी सुस्मिता बस्नेत विजेता बनिन् । त्यस्तै ममता पराजुली दोस्रो र प्रज्ञा चौधरी तेस्रो बनेकी छन् ।
प्रतियोगितामा बीबीएतर्फका अधिकांश विद्यार्थीहरू प्रतिस्पर्धी रहेका थिए । प्रतियोगिताका विजेतालाई म्यानेजमेन्टतर्फका अध्यक्ष शिवनारायण साहले पुरस्कारका साथै प्रमाण–पत्र वितरण गरेका थिए । निर्णायकमा अब्ग्रेजी भाषाका अध्यापक हेमचन्द्र अधिकारी रहेका थिए ।
नेपाली साहित्यमा कोइरालाको योगदानको विषयमा प्रतियोगिता गरिएको क्याम्पसका भाइस प्रिन्सिपल अनिमेशबास्तोलाले जानकारी दिए ।
